सुर्खेत, २३ वैशाख (जागरण) । जिल्ला प्रहरी कार्यालय सुर्खेतले जुवा खेलिरहेका तीन जनालाई पक्राउ गरेको छ ।
वीरेन्द्रनगर नगरपालिका वडानम्वर ९ लाटिकाइलीस्थित कालिप्रसाद शाक्यको घरमा जुवा खेलिरहेको अवस्थामा नगद ३४ हजार पाँच सय रुपैयाँसहित तीन जनालाई प्रहरीले पक्राउ गरेको हो ।
गोप्य सुचनाको आधारमा घरधनी ५९ वर्षका शाक्यसहित स्थानिय ४३ वर्षका बलबहादुर राना र ५५ वर्षका दानबहादुर गुरुङलाई पक्राउ गरिएको जिल्ला प्रहरी कार्यालय सुर्खेतले जनाएको छ । उनीहरुलाई अहिले जिल्ला प्रहरी कार्यालयको हिरासतमा राखेर अनुसन्धान भइरहेको छ ।
