कालि बहादुर नेपाली
जाजरकोट, ३० कार्तिक (रेडियो खलंगा) । नेत्रविक्रम चन्द नेतृत्वको नेपाल कम्युनिस्ट पार्टीका जाजरकोट इञ्चार्ज प्रेमप्रकास ओली फक्राउ परेका छन् ।
ओलीलाई गयराती बाँकेको कोहलपुरबाट प्रहरीले पक्राउ गरेको जनाएको छ । उनी नलगाड नगरपालिकाको रघुनाथका हुन् ।
उनीमाथि चन्दा असुली, एनसेल टावर आक्रमण र वडा कार्यालयमा आगजानी गरेको आरोप लागेको छ । थप अनुसन्धानका लागि सोधपुछ भइरहेको प्रहरीले जनाएको छ । यस्तै सुत्केरी व्यथा लागेकी जाजरकोटको छेडागाड नगरपालिका–९ की ४७ वर्षीया पाना कामीको हेलिकोप्टरबाट उद्धार गरिएको छ ।
तीन दिनसम्म सुत्केरी हुन नसेकपछि हेलिकोप्टरबाट उद्धार गरिएको जिल्ला प्रहरी कार्यालयका डिएसपी श्यामबहादुर खत्रीले बताउनुभयो ।
स्थानीय स्वास्थ्य संस्थामा सुत्केरी हुन नसकेपछि वीरेन्द्रनगरस्थित प्रदेश अस्पताल ल्याइएको छ ।