काली बहादुर थापा
हुम्ला, १४ मंसिर (रेडियो श्रीनगर) । हुम्ला जिल्लाको सदरमुकाम सिमकोटदेखि ८ कोष टाढा पर्ने खार्पुनाथ गाउपालिकासहित संघ, प्रदेश र स्थानीय प्रतिनिधिका लागि ५१ ठाउँमा आज निर्वाचन हुँदै छ । हुम्लाको खार्पुनाथमा निर्वाचनको तयारी यसरी गरिएको छ, सुन्नुहोस अडियो…..
यस्तै, संघ, प्रदेश र स्थानीय तहको अन्य ५१ पदका लागि प्रतिस्पर्धा हुँदै छ ।
संघीय संसदअन्तर्गत प्रतिनिधिसभा सदस्यका लागि कास्की निर्वाचन क्षेत्र नं २ मा मतदान हुँदैछ । ताप्लेजुङमा भएको हेलिकप्टर दुर्घटनामा परी तत्कालिन पर्यटनमन्त्रीसमेत रहेका रवीन्द्र अधिकारीको निधन भएपछि रिक्त भएको कास्की २ मा उपनिर्वाचन हुन लागेको हो ।
भक्तपुर १ (क), बागलुङ २ (ख) र दाङको ३ (ख) मा प्रदेशसभा सदस्यका लागि उपनिर्वाचन हुँदैछ । त्यस्तै सुनसरीको धरान उपमहानगरपालिकाको प्रमुखका साथै वडा नम्बर ७ को वडाअध्यक्षको लागि पनि मतदान हुनेछ ।
