शंकर केसी ।
सल्यान, १९ मंसिर (रेडियो कपुरकोट) । सल्यानमा लागुऔषध सहित दुई जनालाई प्रहरीले पक्राउ गरेको छ । लागुऔषध अफिम सहित दुई जनालाई बागचौर नगरपालिका ५ बांगे लाखुरीबाट पक्राउ गरिएको हो ।
रुकुमबाट काठमाडौं जाँदै गरेको बसमा लुकाइछिपाई आगुऔषध लगिँदै गरेको गोप्य सूचनाका आधारमा बसमा चेकजाँच तथा खानतलासी गर्ने क्रममा उनीहरूको साथबाट दुई किलो ४८ ग्राम अफिम बरामद गरिएको प्रहरीले जनाएको छ ।
पक्राउ पर्नेमा सल्यान शारदा नगरपालिका ७ कजेरीका २८ वर्षीय झक्कुप्रसाद बोहरा र बस चालक बागचौर नगरपालिका १० पिपलनेटाका ४५ वर्षीय टेकप्रसाद शर्मा रहेको जिल्ला प्रहरी कार्यालय सल्यानले जनाएको छ ।
बस चालक शर्माको झोलामा कालो प्लाष्टिकमा पोको पारी चालक सिट माथि -याकको डिक्कीमा लुकाई ल्याएको अवस्थामा फेला पारेको प्रहरीले जनाएको छ । उनीहरू दुवैलाई इलाका प्रहरी कार्यालय थारमारेको हिरासतमा राखी थप अनुसन्धान भइरहेको प्रहरीले जनाएको छ ।