सिपी कार्की ।
सुर्खेत, २२ माघ (रेडियो भेरीगंगा) । सुर्खेतको भेरीगंगा नगरपालिका वडा नम्बर–११ चिप्लेमा निर्माणधिन भेरी–बबई डाइभर्सन आयोजनामा एक जनाको ब्यवारिसे अवस्थामा शव फेला गरेको छ ।
भेरी–बबई डाइभर्सन आयोजनाको बा २१ च १०४ नम्बरको बोलेरो गाडीमा ब्यवारिसे शव फेला परेको इलाका प्रहरी कार्यालय छिन्चुका प्रहरी निरिक्षक माधव चौधरीले जानकारी दिनुभयो ।
चौधरीका अनुसार शव बाँके जिल्ला खजुरा गाउँपालिका वडा नम्बर–३ का अन्दाजी ३२ वर्षका प्रदिप पराजुली रहेको प्रहरीले जनाएको छ । पराजुलीले विगत केही समयदेखि त्यही गाडी चलाउने गरेको प्रहरीको अनुसन्धानबाट खुलेको प्रहरीले जनाएको छ ।
