काठमाण्डौँ, २४ माघ (जागरण) । सहिद स्मारक ’ए’ डिभिजन लिग फुटबलमा थ्री स्टार क्लव र नेपाल पुलिस क्लबले जीत निकालेका छन् । सातदोबाटोमा आज भएको पहिलो खेलमा थ्री स्टारले साविकको उपविजेता संकटालाई १–० गोल अन्तरले पराजित गरेको हो ।
जीतसँगै थ्री स्टार लिगको तेस्रो स्थानमा उक्लिएको छ । थ्री स्टारले ११ खेलमा २० अंक जोडेको छ । पराजित संकटा ११ खेलमा १५ अंक जोडेर पाँचौं स्थानमा छ ।
आज नै भएको अर्को खेलमा ब्रिगेड ब्वाईज क्लबलाई १–० गोल अन्तरले पराजित गर्दै पुलिस शीर्ष पाँचमा उक्लिएको छ । जीतसँगै पाँचौं स्थानमा उक्लिएको पुलिसले ११ खेलमा १७ अंक जोडेको छ । ब्रिगेड ११ खेलमा ८ अंक जोडेर ११ औं स्थानमा छ ।