काठमाण्डौँ, ७ फागुन (जागरण) । सहिद स्मारक ’बी’ डिभिजन लिग फुटबलको उद्घाटन खेलमा ब्वाईज युनियन र श्रीकुमारी क्लबले प्रतिस्पर्धा गर्ने भएका छन् ।
अखिल नेपाल फुटबल संघ (एन्फा) ले सार्वजनिक गरेको खेल तालिका अनुसार पहिलो खेलमा ब्वाईज युनियन र श्रीकुमारी भिड्ने भएका हुन् ।
एन्फा कम्प्लेक्स सातदोबाटोमा हुने उद्घाटन खेल फागुन ११ गते हुनेछ । लिग चैत २३ गते सकिनेछ ।
लिगमा १२ क्लबले प्रतिस्पर्धा गर्नेछन् । एक टिम ’ए’ डिभिजन लिगमा बढुवा हुनेछ भने एक टिम ’सी’ डिभिजनमा घटुवा हुनेछ ।
