सुर्खेत, २१ फागुन (जागरण) । दैलेखबाट सुर्खेततर्फ गुडिरहेको जीप सुर्खेतको राउटे गल्छिनामा दुर्घटना हुँदा तीन जनाको मृत्यु भएको छ । चार जना घाइते भएका छन् ।
दैलेखको गुराँस गाउँपालिका ८ धरमपोखराबाट सुर्खेतका लागि गुडिरहेको कर्णाली प्रदेश ०२–००१ ज ००७ नम्बरको जीप वीरेन्द्रनगर नगरपालिका १५ तर्फ खसेको हो ।
मृत्यु हुनेमा चिङ्गाड गाउँपालिका –६ बस्ने अन्दाजी ५५ वर्षीय देवबहादुर खड्का, वीरेन्द्रनगर नगरपालिका–१५ का अन्दाजी ४५ वर्षीया खड्गबहादुर बुढाथोकी र उहाँकी श्रीमती अन्दाजी ४० वर्षीया गोमा बुढाथोकी रहेका छन् । उनीहरुको घटनास्थलमै मृत्यु भएको हो । दुर्घटनामा परी चार जना घाइते भएका छन् ।
जीप अनियन्त्रित भई सडकबाट करिव चार सय मिटर तल खसेको प्रहरीले बताएको छ । जीपमा सातजना सवार थिए । घाइतेलाई उपचारको लागि सुर्खेत पुर्याइएको छ ।
