………………………
आफ्नो मात्र स्वार्थ खिच्न , पल्केका यी मान्छेहरु ।
जता बलियो उतै तिर , ढल्केका यी मान्छेहरु ।।
बाबू आउने सहारामा , घरमा छोरी रुदै होलि ।
रक्सी पिउदै साहुनिसङ्ग,सल्केका यी मान्छे हरु ।।
मन भित्र काला काला , बिचारहरु सङ्गालेर ।
बाहिर मात्र पोशाकमा, टल्केका यी मान्छेहरु ।।
अभावमा नाङ्गै थिए , प्राचीनकालका आदिवासी ।
सभ्यताका नाममा आज,नाङ्गै झल्केका यी मान्छेहरु ।।
पृथ्वी लाई नै घोप्ट्याउन , तम्सिरहेछन आज सबै ।
आफ्नै काट्टो खान खोज्ने , गिदी बल्केका यी मान्छेहरु ।।
आफ्नो मात्र स्वार्थ खिच्न , पल्केका यी मान्छेहरु ।
जता बलियो उतै तिर , ढल्केका यी मान्छेहरु ।।
.…………………………………………
-(लेखक खरेल हाल लेकवेसी नगरपालिका सुर्खेतका प्रमुख प्रशासकिय अधिकृत हुनुहुन्छ ।)
