शंकर केसी ।
सल्यान, २४ मंसिर (रेडियो कपुरकोट) । सल्यान सिनवाङका एक ब्यक्ति एक हप्ता देखी सम्पर्क विहिन भएका छन् । कपुरकोट गाउँपालिका वडा नम्बर ६ सिनवाङ छापनेटाका ४२ वर्षिय चन्द्र बहादुर खड्का सम्पर्क विहन भएको उनको घर परिवारले जनाएकोे छ ।
गत मंशिर १६ गते मजदुरीको लागि भारत जान्छु भनेर हिडेका चन्द्र बहादुर अहिले सम्म सम्पर्कमा नआएको भन्दै खोजी गरिदिन उहाकी श्रीमति रुपि खड्काले अनुरोध गर्नुभएको छ ।
उहाले हराइरहेका आफ्ना श्रीमानको खोजज तलासका लागि इलाका प्रहरी कार्यालय लुहाममा निवेदन समेत दिइसकेको जानकारी दिनुभयो ।
आफन्तीको गाउँ, घर, भारत र जान सक्ने सम्भावित सबै ठाउँमा खोजि गर्दा पनि पत्ता नलागेको उहाले बताउनुभयो ।
आफ्नोे श्रीमानलाई कोही कसैले भेटेमा ९८०८१११८३० र ९८६६६०६८३३ मा फोेन गरेर जानकारी गराउन उनले आग्रह उहाले गर्नुभएको छ ।