सुर्खेत, २० जेठ (जागरण) । विविएस चौथो वर्षका लागि परियोजना कार्यसंग सम्बन्धि अनुसन्धान कार्यशाला गोष्ठि आजदेखि सुरु भएको छ ।
विश्वविद्यालय अनुदान आयोगको सहयोगमा सहारा क्याम्पस सुर्खेतको आयोजनामा गोष्ठि सुरु भएको हो ।
गोष्ठीमा त्रिभुवन विश्वविद्यालयका प्रोफेसर डा. गोविन्द सुवेदी र सहप्रध्यापक डा.कपिल खनालले प्रशिक्षण दिइरहनुभएको छ ।
गोष्ठिमा सुर्खेतलगायत दैलेख, कालिकोटका व्यवस्थापन संकाय संचालन गरेका ६ वटा क्याम्पसमा विविएस चौथौ वर्षमा अध्ययनरत विद्यार्थी र शिक्षकहरुको सहभागिता रहेको सहारा क्याम्पसका प्रमुख छवि आचार्यले जानकारी दिनुभयो । गोष्ठि एक हप्तासम्म सञ्चालन हुनेछ ।