सुर्खेत, २७ जेठ । (जागरण)
सुर्खेतमा अटो दुर्घटना हुँदा एक बालिका सहित ३ जनाको मृत्यु भएको छ । जिल्लाको पञ्चपुरी नगरपालिका ५ मुरमुरेमा भे १ ह २१३५ नम्बरको अटो दुर्घटना हुँदा ३ जनाको ज्यानको मृत्यु भएको हो । पञ्चपुरी नगरपालिका ५ की २४ बर्षिया विनिता शाही र उनकी ९ महिनाकी छोरी प्रतिक्षा शाहीको मृत्यु भएको हो । यसै गरी पञ्चपुरी नगरपालिकाका ५ का अटोचालक ३६ बर्षिया अशोक रावलको पनि ज्यान गएको जिल्ला प्रहरी कार्यालय सुर्खेतले जानकारी दिएको छ ।
दर्घटनामा परी तीन जना घाइते भएका छन् । घाइते हुनेमा पञ्चपुरी नगरपालिका ५ की २४ वर्षीय भुमिसरा रावल, ४२ बर्षिया बिर्ख नेपाली र ३८ बर्षिया लक्ष्मी नेपाली रहेका छन् । घाइतेहरुको प्राथमिक स्वास्थ्य चौकी सालकोटमा उपचारपछि वीरेन्द्रनगर ल्याइएको प्रहरीले जनाएको छ । मृतकहरुको शब पोष्टमाटमका लागि मध्यपश्चिम क्षेत्रीय अस्पताल कालागाउँ वीरेन्द्रनगरमा ल्याइएको छ । बावियाचौर बजारबाट तातापानी जाँदै गर्दा मुरमुुरेमा दिउँसो ३ बजे अटो दुर्घटना भएको जिल्ला प्रहरी कार्यालय सुर्खेतले बताएको छ ।