सुर्खेत, २४ फागुन (जागरण) । सुर्खेतको वीरेन्द्रनगर नगरपालिकाले आजदेखि बृहत योग विज्ञान शिविर सुरु गरेको छ ।
नगरपालिकाले चालु आर्थिक वर्षको कार्यक्रम ‘एक टोल एक सचेतक व्यक्ति’ कार्यक्रम अन्तर्गत ‘नियमित योग, व्यवस्थित आहारबिहार हाम्रो चाहाना स्वस्थ वीरेन्द्रनगर’ भन्ने मुल नारासहित शिविर गरेको हो ।
भेरी अञ्चल आयुर्वेद औषधालय सुर्खेत र पतंजली योग समिति सुर्खेतसँगको समन्वयमा शिविर सुरु गरिएको हो । बिहान ५ बजेदेखि ८ बजेसम्म योग शिविर संचालन गरिएको छ ।
शिविरको उद्घाटन गर्दै कर्णाली प्रदेश सरकारका आर्थिक मामिला तथा योजना मन्त्री प्रकाश ज्वालाले योग सवैको लागि उपयोगी भएकाले यसलाई नियमित गरी स्वस्थ जिवन जिउन सवैलाई आग्रह गर्नुभयो ।
त्यस्तै वीरेन्द्रनगर नगरपालिकाका प्रमुख (मेयर) देवकुमार सुवेदीले स्वस्थ रहनका लागि योग, आहार विहारमा ध्यान दिनुपर्नेमा जोड दिनु भयो ।
कार्यक्रममा बोल्दै उपप्रमुख (उपमेयर) मोहनमाया ढकालले योग विज्ञान भएको र यसले निरोगीहरु जन्माउने भएकाले नियमीत योग गर्न आवश्यक रहेको बताउनु भयो । ढकालले सवैले नियमित रुपमा योग गर्न आवश्यक रहेको बताउनु भयो ।
वीरेन्द्रनगरको रंगशालामा भएको शिविरमा नगरपालिकाका १६ वटै वडाका स्थानीय नागरिकहरुको सहभागिता छ । शिविर पाँच दिनसम्म सञ्चालन हुनेछ ।
