सुर्खेत, जेठ १ ।
हुम्लाको ताँजाकोट गाउँपालिकामा नेपाली काँग्रेस र माओवादी केन्द्रको गठबन्धनका उमेद्वार विजयी भएका छन् ।
प्रमुखमा नेकपा माओवादी केन्द्रका लालकेश जैसी र उपप्रमुखमा काँग्रेसका सुरेन्द्रबहादुर थापा विजयी हुनभएको हो । जैसीले १८१० मत प्राप्त गरेका गर्नुभएको छ । प्रतिस्पर्धी नेकपा एमालेका अजमल बुढाले ९९५ मत प्राप्त गर्नुभएको छ । यस्तै, उपाध्यक्षमा थापाले १३९१ मत ल्याएर निर्वाचित हुनुभएको छ भने एमालेका रूपचन्द्र ऐडीले ४७७ मत ल्याउनुभएको छ ।
५ वडा रहेको ताजाकोटमा वडा नं. ३ बाहेक सबै माओवादी केन्द्रले जितेको छ । वडा नम्बर १ मा मोहनलाल रिठाल, वडा नम्बर २ मा अजबिर्या खटीक, वडा नम्बर ४ मा राजबहादुर बोगटी र वडा नम्बर ५ मा मंगल नेपाली विजयी हुनुभएको छ । वडा नम्बर ३ भने एमालेका राजेन्द्रबहादुर शाही विजयी हुनुभएको छ ।