आज एक प्रेस विज्ञप्ति जारी गर्दै उनीहरूले संघभित्र देखिएको अपारदर्शिता, अव्यवस्थित नेतृत्व र व्यावसायिक हितविपरीतका गतिविधिप्रति असन्तुष्टि जनाउँदै चुनावमा भाग नलिने निर्णय गरेका हुन ।
विगतमा पनि संघलाई सबै वर्ग र समुदायको साझा थलो बनाउने उद्देश्यले निरन्तर प्रयास गरे पनि पछिल्लो समयमा नेतृत्व तहबाट व्यवहारिक प्रतिबद्धता नदेखिएको भन्दै संवाद र समन्वयका प्रयासहरू आश्वासनमै सीमित रहेपछि आफूहरूले उम्मेदवारी फिर्ता लिएको उहाँहरूको भनाइ रहेको छ।
विज्ञप्तिमा उल्लेख गरिएअनुसार, मेला महोत्सवको नाममा संकलित करिब १५ लाख रुपैयाँ संघको खातामा दाखिला नगरिएको, ४१ औं साधारणसभामा गरिएको विधान संशोधन अझै कार्यान्वयन नभएको, संघलाई राजनीतिकरण गर्ने प्रयास भएको, सहकार्यका वाचाहरू तोडिएको, र व्यावसायिक समस्याको सट्टा प्रदर्शनमुखी क्रियाकलापमा नेतृत्व केन्द्रित भएको आरोप लगाइएको छ।
नाम फिर्ता लिने उम्मेदवारहरूमा वरिष्ठ उपाध्यक्ष पदका कलाधर उपाध्याय र प्रेम बहादुर रावत, उद्योग उपाध्यक्ष पदका पूर्ण प्रसाद पाण्डे, महासचिव ज्ञानेन्द्र बहादुर विश्वकर्मा, कोषाध्यक्ष अर्जुन जङ शाही, सदस्यहरू महेन्द्र प्रसाद शर्मा, धन बहादुर चुनारा, टेक बहादुर थापा, रेशम ढकाल, भानुभक्त खड्का र महिला सदस्य हिमा उपाध्याय रहनुभयको छ। उम्मेदवारी मात्र फिर्ता लिएको नभई आफूहरूलाई समर्थन गर्ने मतदातालाई निर्वाचन प्रक्रियाबाट अलग रहन विज्ञप्ति मार्फत अपिल समेत गरिएको छ ।
