भदौ १३, काठमाण्डौ । आज कोशी, गण्डकी र सुदूरपश्चिम प्रदेशका एक÷दुई ठाउँमा ठूलो पानी पर्ने सम्भावना रहेको मौसम पूर्वानुमान महाशाखाले जनाएको छ । महाशाखाका अनुसार आज दिउँसो देशका धेरै ठाउँहरूमा भने मध्यम पानी पर्नेछ ।
राति कोशी र सुदूरपश्चिम प्रदेशको केही ठाउँमा ठूलो पानी पर्ने महाशाखाले जनाएको छ । पछिल्लो १२ घण्टामा बागमती, लुम्बिनी, कर्णाली र सुदूरपश्चिम प्रदेशका एक÷दुई ठाउँमा ठूलो पानी परेको छ ।
ठूलो पानी ठाउँमा बाढीको जोखिम रहेकाले नदी, खोला किनारमा बस्नेहरुलाई सावधानी अपनाउन महाशाखाले आग्रह गरेको छ ।