भक्तपुर, ५ चैत (जागरण) । राष्ट्रिय परीक्षा बोर्डले कक्षा १० को अन्तिम परीक्षाको रुपमा रहेको माध्यमिक शिक्षा परीक्षा अर्थात एसइइ परीक्षाको सम्पूर्ण तयारी पूरा गरेको जानकारी दिएको छ ।
बोर्डले गरेको पत्रकार सम्मेलनमा परीक्षा नियन्त्रक अम्बिकाप्रसाद रेग्मीले आउँदो ८ गतेदेखि देशभर बिहान ८ बजेबाट सुरु हुने परीक्षाको सम्पूर्ण तयारी पूरा भएको जानकारी दिनुभयो ।
एसइइको सामान्य परीक्षा १७ गतेसम्म हुने भए पनि प्राविधिक तर्फको परीक्षा २० गतेसम्म सञ्चालन हुनेछ ।
परीक्षाका लागि आवश्यक प्रश्नपत्र, उत्तरपुस्तिकालगायत अन्य सामाग्री जिल्ला जिल्लामा पठाउने कार्य सम्पन्न भइसकेको परीक्षा नियन्त्रण कार्यालयले जनाएको छ ।
आउँदो वर्षदेखि एसइइ परीक्षा प्रदेशले नै सञ्चालन गर्ने गरी तयारी गरिएको बोर्डका अध्यक्ष चन्द्रमणि पौडेलले बताउनुभयो ।
–अनलाइनहरुबाट