सुर्खेत, २२ साउन (जागरण) । सुर्खेतमा सर्पले टोक्दा एक किशोरीको मृत्यु भएको छ । पञ्चपुरी नगरपालिका–१० तातापानी स्थित गल्फाकी १४ बर्षिया हरिकला उपाध्यायको सर्पले टोक्दा आज बिहान मृत्यु भएको रेडियो डाँडादारा एफएमले जनाएको छ ।

विहान ५ बजेतिर हरिकलालाई सर्पले टोकेको थियो । तर उनलाई उपचार गर्नुको साटो झारफुकमा अल्झिदा मृत्यु भएको हो ।
बाढीपीडित शिविरमा बस्दै आएकी हरिकला विहान शौचालय गएको बेलामा सर्पले टोकेको थियो । हरिकला स्थानीय जनज्योति आधारभुत विद्यालय जामुमा कक्षा ८ मा अध्ययनरत थिइन् ।