सुर्खेत, २२ साउन (जागरण) । सुर्खेतको वीरेन्द्रनगरमा स्कुलको बसले ठक्कर दिँदा एक बालकको मृत्यु भएको छ । सुप्रिम इङ्गलिस बोर्डिङ स्कुलको भे १ क ४७३ नम्बरको बसले वीरेन्द्रनगर ११ का ११ वर्षीय प्रदीप अधिकारीलाई हिजो बसले ठक्कर दिँदा उपचारको क्रममा उनको मृत्यु भएको हो ।
बस चालक वीरेन्द्रनगर ८ इत्राममा बस्ने २४ वर्षीय तेजबहादुर रानालाई अनुसन्धानका लागि नियन्त्रणमा लिइएको प्रहरीले जनाएको छ ।
यसैविच राष्ट्रिय निजि तथा आवासिय विद्यालय अर्गनाईजेशन (नेशनल प्याप्सन)ले घटनाप्रति दुःख व्यक्त गरेको छ । दुर्घटना पछि नेशनल प्याप्सनले आफु मातहतका संस्थागत विद्यालयहरुलाई शोकमा भोलि विद्यालय बन्द गर्न अपिल पनि गरेको छ ।