कालिकोट, २५ साउन (जागरण) । कालिकोटको महावै गाँँउपालिका वडा नं. ३ नकुमा पहिरोे जाँदा स्थानीय ३४ परिवार बिचल्लीमा परेका छन् । एक सातादेखिको अबिरल बर्षापछि नकुमा पहिरो जाँदा उनीहरुको बिचल्ली भएको हो ।
महाँवै गाउपालिका–३ का वडा सदस्य रजबहादुर बिष्टले गाँउको तलतिरबाट निरन्ततर पहिरो खस्दा पुरै गाँउ जोखिममा परेको बताउनुभयो । स्थानीय बखतबहादुर सिंहको घर र प्रबिण बिष्टको खुर्सानी बारीसम्म पहिरो पुगेकाले गाँँउका सबै स्थानीयले गाउँ छाड्नुपर्ने अवस्था आएको बताउनुभयो ।
गाँउमा पहिरोले सबैको बिचल्ली हुने अवस्था आएपछि आज जिल्ला प्रशासन कार्यालय र जिल्ला प्रहरी कार्यालयमा निवेदन दिएर पीडितलाई सुरक्षित स्थानमा सार्न आग्रह गरिएको छ ।
सहायक प्रमूख जिल्ला अधिकारी राजकुमार दुलालले नकुको पहिरोको सूचना आफुहरुले पाउनासाथ गृहमन्त्रालयमा समेत पत्र पठाएको बताउनुभयो ।