काठमाण्डौँ, २६ साउन (जागरण) । विगतदेखि नै मौलिक तीज गीत बजारमा ल्याएर चर्चा कमाउने गरेका सर्जक हरी विष्टले यसपाली पनि नयाँ गीत सार्वजनिक गर्नुभएको छ ।
विष्टले शुक्रवार एक कार्यक्रमका बीच यो वर्षको आफ्नो पहिलो तीज गीत ‘माईती देश सम्झेर’ सार्वजनिक गर्नुभएको हो । प्रायः सधै आफ्नै शब्द र संगीतमा गीत निकाल्दै आएका हरिले यसपटक मोडल तथा अभिनेत्री दिपासा विसीको शब्दमा संगीत भरेर गीत तयार गर्नुभएको छ ।
नेपाली गाउँले परिवेशको जीवनलाई गीतमा दिपासाले राम्रो तुकबन्दी मिलाएर तयार पार्नुभएको छ भने विष्टले छम छम नाच्न मिल्ने लय बनाएका छन् ।
स्मृति तिम्ल्सिनाद्धारा निर्देशित यो गीतको भिडियोमा दिपासा विसी र टीका जैसीको नृत्य छ । करण चौसिरको छायॉकंन,प्रविणभट्टको सम्पादन रहेको यो भिडियो सम्पुर्ण रुपमा महिला प्रति समर्पित देखिन्छ ।
टिका पुनको स्वर र झलक संगीतमको संगीत संयोजन रहेको यो गीत आलाप स्टुडियोमा रेकर्ड भएको थियो । गंगामाला फिल्मस् प्रा. ली.को युट्युव च्यानलबाट सार्वजनिक भएको छ । गीत सार्वजनिक समारोहमा लोक गायन क्षेत्रका चर्चित अनुहारहरु बद्री पंगेनी, रमेश बिजी, चन्द्र शर्मा, राधिका हमालको उपस्थिती थियो ।
हेर्नुहोस् भिडियोः
