विश्वनाथ सिम्खडा, रेडियो चंखेली
कालिकोट, २७ साउन (जागरण) । बन्धक बनाएर बालिका बलात्कार गरेको आरोपमा एक पक्राउ
कालिकोटमा १५ वर्षीया बालिकालाई दुई दिनसम्म बन्धक बनाएर बलात्कार गरेको आरोपमा एक जना पक्राउ परेका छन् ।
प्रहरीले सान्नी त्रिवेणी गाउँपालिका–५ रिस्कोटका २८ वर्षीय जनबहादुर बमलाई पक्राउ गरेको हो ।
पीडित बालिकालाई बमले साउन १८ गतेदेखि २० गतेसम्म सोही गाउँपालिका–३ स्थित एक घरमा बन्धक बनाएर लगातार बलात्कार गरेको भन्दै पीडित बालिकाले साउन २५ गते जिल्ला प्रहरी कार्यालय कालिकोटमा उजुरी दिएको समाचार रेडियो चंखेलीले पठाएको छ ।