बुद्धि पुन, रेडियो राप्ती सल्यान २५, भदौ ।
जीप दुर्घटना हुँदा सल्यानमा एक जनाको मृत्यू भएको छ । शारदा नगरपालिका १३ स्यानीखाल अत्तरकाँडामा जीप दुर्घटना हुँदा एक जनाको घटनास्थलमा नै मृत्यू भएको छ भने दुई जना घाइते भएका छन् ।
घरको झ्याल, ढोकासहितका सरसामान लिएर जिल्लाको बागचौरदेखि दाङतर्फ जादै गरेको लु १ च ५६६४ नम्बर को जीप आज दुर्घटना भएको हो ।
दुर्घटनामा परेर बागचौर नगरपालिका १० मोलखा की ५५ बर्षिया हुकुमी बिकको मृत्यू भएको जिल्ला प्रहरी कार्यालय सल्यानले जनाएको छ ।
यस्तै बागचौर नगरपालिका १० कै अन्दाजी ५० बर्षिय बल बहादुर कामी गम्भिर घाइते हुनुभएको छ ।
उहाँको श्रीनगरमा सामन्य उपचारपछि थप उपचारको लागी बाँकेको नेपालगञ्ज रिफर गरिएको छ ।
जीप चालक अन्दाजी २२ बर्षिय कमल बिक सामान्य घाइते भएका प्रहरीले जनाएको छ ।
चालकको श्रीनगर स्थीत कान्तीपुर सामुदायिक अस्पतालमा उपचार भैरहेको छ । दुर्घटनाको कारण भने खुल्न सकेको छैन ।