काठमाण्डौँ, ९ चैत (जागरण) । नेपाल र मलेसियाबिच तय भएको मैत्रीपूर्ण फुटबल खेल रद्द भएको छ ।
चैत १८ गते मलेसियाको क्वालालम्पुरमा हुने भनिएको नेपाल र मलेसियाबीचको खेल रद्द भएको राष्ट्रिय फुटबल टिमका प्रशिक्षक राजुकाजी शाक्यले जानकारी दिनुभयो ।
रुपन्देहीमा हुने मदन भण्डारी गोल्डकप फुटबलका लागि थ्री स्टार र मनाङ मर्स्याङदी क्लबले खेलाडी ‘रिलिज’ गर्न नमानेपछि नेपालको मैत्रीपूर्ण फुटबल नै प्रभावित भएको हो ।
मलेसिया जाने नेपाली खेलाडीहरुले आज भिसाका लागि आवेदन दिनुपर्ने थियो तर नेपाली टिममा जाने खेलाडीहरु उपलव्ध नहुने भएपछि खेल नहुने पक्का भएको छ ।
नेपाली टिम आइतबार एएफसी एशियन कप छनौटकालागि कतारको जाँदै छ । यसअघि कतारबाट सोझै मलेसिया जाने कार्यक्रम तय गरिएको थियो ।