सुर्खेत, १० चैत (जागरण) । सुर्खेतमा जारी प्रदेश आइडल अन्तर्गत आज भएको अनप्लग राउन्डबाट ७ जना सहभागी छनौट भएका छन् ।
निर्णायक मण्डल र लाइभ भोटिङ्गको आधारमा महेन्द्र बिक, बिराज थापा मगर, हिक्मत शाही, रवी ओड, सागर हमाल, पेमा सन्दुक लामा, खाँडजी परियार छनोट भएका छन् ।
पहिलो राउण्डका १० जना मध्ये निर्णायक मण्डल र लाइभ भोटिङ्ग गरी ७ प्रतिस्पर्धी छानिएको सिङ्गारो म्युजिक प्रा.लि.का प्रवन्धक निर्देशक विशाल ढकालले जानकारी दिनुभयो ।
उहाँले अनप्लग राउन्डबाट छ्नोट भएका ट्प सेभेन प्रतिस्पर्धीहरु आगामी चैत्र १७ गते हुने सेमिफाइनलमा सहभागी हुने बताउनुभयो ।
कर्णाली प्रदेशमा लुकेर रहेका प्रतिभा उजागरका लागि आयोजना गरेको प्रदेश आइडल कार्यक्रममा प्रथम हुनेलाई नगद तीन लाख रुपैयाँ, दोस्रोलाई दुई लाख, तेस्रोलाई एक लाख र सान्त्वना पचास हजार पुरस्कार छ ।
फोटोः साभार
