जाजरकोट, ७ असोज (जागरण) । जाजरकोटमा यसै वर्ष जिल्लाभर केन्द्रीय विद्युत् लाइन पुग्ने भएको छ । जिल्ला सदरमुकाममा मात्र अहिले केन्द्रीय प्रशारणको विद्युत आपूर्ती हुँदै आएकोमा यो वर्षभित्र जिल्लाका सबै ठाउँमा विद्युतीकरण गर्न लागिएको नेपाल विद्युत् प्राधिकरण जाजरकोटका प्रमुख महेन्द्रबहादुर सिंहले जानकारी दिनुभयो । अहिले जाजरकोटको भेरी नगरपालिका वडा १३ कुदुसम्म ३३ केभी प्रसारणको विद्युत् आपूर्ति हुँदै आएको छ ।
यस्तै, खलंगामा ११ केभी प्रसारणको विद्युत् आपूर्ति हुँदै आएको सिंहले जानकारी दिनुभयो ।