सुर्खेत, १२ असोज (जागरण) । चर्चित पत्रकार दीपेन्द्र ओलीले विदेशमा दुःख पाउनुभएको छ । रोजगारीका लागि नेपाल बाहिर रहेका अन्य नागरिकजस्तै कडाखालकाे काममा संलग्न ओलीले ज्यादै दुःख पाउनुभएको हो । दुःख पाइरहँदा उहाँले घर परिवार र आफन्तलाई धेरै सम्झिरहनुभएको छ ।
दीपेन्द्रले साँच्चै दु:ख पाएका नभई नयाँ म्युजिक भिडियोमा दु:ख पाएको देखाइएको हो । नेपालीहरूको महानवर्प बडादशैं आएसंगै दसैँ विशेष गीतहरू पनि बजारमा लगातार आइरहेका छन् । यसै क्रममा हर्क सुनार र टिका पुनको आवाजमा रहेको दसैँ विशेष गीत बजारमा आएको छ । गाउँघरतिर दसैँ, तिहार र छठ् पर्वको रौनकता छाइरहँदा दीपेन्द्र जस्तै परदेशमा रहेका नेपाली भने घरको मायाँले भक्कानिँदै बस्ने गरेका छन् ।
यसै कथालाई समेटेर तयार भएको लोक म्युजिक भिडियो सार्वजनिक भएको हो । सलिना म्युजिकको प्रस्तुतिमा हर्क सुनारको गीत (घरको मायाले) को भिडियोमा पत्रकार दीपेन्द्र ओली र निशा चपाईलगायतले अभिनय गर्नुभएको छ ।
पत्रकार गोविन्द वि.क.को शब्द, आलिफ खानको लयमा रहेको गीतकाे भिडियोमा निर्देशन चन्द्र मन्दिरले गर्नुभएको छ भने, इन्द्रजीत खड्काको छायाङ्कन र पत्रकार मानबहादुर वलिले सम्पादन गर्नुभएको छ ।
हेर्नुहोस् भिडियोः
