काठमाण्डौँ, १ मंसिर (जागरण) । सहिद स्मारक ’ए’ डिभिजन लिग फुटवलको दोस्रो चरणको खेलहरु आजदेखि सुरु हुँदैछन् ।
असोज दोस्रो हप्ता त्रिभुवन आर्मी क्लब र न्युरोड टिम (एनआरटी) बीचको खेलसँगै सुरु भएको लिगको दोस्रो चरणको खेलहरु आजदेखि सुरु हुने भएका हुन ।
आज मनाङ र एनआरटी क्लबले प्रतिस्पर्धा गर्दै दोस्रो चरणको लिग सुरु हुनेछ । खेल बिहान ११ बजे सुरु हुनेछ । यस्तै आज नै त्रिभुवन आर्मी क्लबले च्यासल युथ क्लबको सामना गर्नेछ ।