सुर्खेत, १७ पुस (जागरण) । अग्रज कलाकारका बुवाको उपचार गर्न कर्णालीमा कलाकारहरुले नै सहयोग गरेका छन् ।
राष्ट्रिय लाेक तथा दाेहाेरी गीत प्रतिष्ठान नेपाल, कर्णाली प्रदेश कार्यसमितिका सदस्य, अग्रज कलाकार ज्ञान बहादुर नेपालीका बुवा चन्द्रबहादुर नेपालीको उपचार सहयाेगार्थ कलाकारहरुले सहयोग गरेका हुन् ।
राष्ट्रिय लाेक तथा दाेहाेरी गीत प्रतिष्ठान सुर्खेत जिल्ला कार्यसमिति र कर्णाली प्रदेश कार्यसमितिको तर्फबाट रु. ३२,७००/- हस्तान्तरण गरिएको छ।
रकम पाइसकेपछि कलाकार ज्ञानबहादुर नेपालीले आफ्नो बुवाको स्वास्थ्य सुधार हुने आशा गर्नुभएको छ । साथै सहयोगीहरुलाई धन्यवाद समेत व्यक्त गर्नुभयो ।