सुर्खेत, १० चैत (जागरण) । यस वर्षको माध्यमिक शिक्षा परीक्षा अर्थात् एसइई आजदेखि शुरु हुँदैछ । बिहान ८ बजेदेखि शुरु हुने परीक्षामा देशभरबाट चार लाख ७५ हजार तीन परीक्षार्थी परीक्षामा सहभागी हुँदैछन् ।
परीक्षार्थीमध्ये दुई लाख ३६ हजार ४ सय ४५ छात्र र दुई लाख ३८ हजार ५ सय ५८ छात्रा रहेका परीक्षा नियन्त्रक विष्णु अधिकारीले बताउनुभयो । कर्णाली प्रदेशबाट ३६ हजार ५ सय २९ विद्यार्थी सहभागी हुने भएका छन् ।
नियमिततर्फ ३४ हजार २५, एक्जाम्टेडतर्फ दुइ हजार पाचँ सय चार जना, विद्यार्थी परीक्षामा सहभागी हुने शिक्षा विकास निर्देशनालय कर्णाली प्रदेश सुर्खेतका साखा अधिकृत लोकप्रसाद पौडेलले जानकारी दिनुभयो । यस वर्षदेखि पहिलोपटक सङ्घीय संरचनाको स्वरुपअनुसार आजदेखि शुरु भई आगामी २१ गतेसम्म परिक्षा सञ्चालन हुनेछ ।
