सुर्खेत, ४ असार (जागरण) । सुर्खेतमा आजदेखि दोस्रो विद्यालय स्तरीय छनोट व्याटमेन्टन प्रतियोगिता शुरु हुँदैछ । जिल्ला व्याटमेन्टन संघ सुर्खेतको आयोजनामा आजदेखि असार ६ गतेसम्म छनोट प्रतियोगिता हुने भएको हो ।
प्रहरी व्यायमशालामा हुने छनोट प्रतियोगितामा सुर्खेत जिल्लाभरबाट १० विद्यालयका ९० विद्यार्थी सहभागि हुने जिल्ला व्याटमेन्टन संघले जनाएको छ ।
संघका सचिव खिमलाल देवकोटाकाअनुसार छनोट भएका खेलाडिहरुलाई एक हप्ते बन्द प्रशिक्षण दिइनेछ । छनोट प्रतियोगिता विहान ८ बजेदेखि शुरु हुनेछ ।