काठमाण्डौँ, ९ भदौ (जागरण) । नवौं पुष्पलाल स्मृती राष्ट्रिय ब्याडमिन्टन प्रतियोगिता प्रदेश नम्बर १ को इटहरीमा हुने भएको छ ।
खेलकुद महासंघ तथा राष्ट्रिय ब्याडमिन्टन संघको आयोजनामा हुने प्रतियोगिता भदौ २४ देखि २८ गतेसम्म हुने भएको हो । प्रतियोगितामा १ सय ९० खेलाडीले १० स्वर्णका लागि प्रतिस्पर्धा गर्ने छन् ।
प्रतियोगितामा पुरुषको शीर्ष १६ वरियता तथा महिलाको शीर्ष १२ वरियताको एकलमा प्रतिस्पर्धा हुनेछ । प्रतियोगितामा उच्च वरियताबीचको पुरुष तथा महिला एकलमा शीर्ष तीन स्थान हाँसिल गर्नेले ५० हजार, २५ हजार र १२ हजार ५ सय प्राप्त गर्ने छन् ।