खड्क सुनार
मुगु, ३० (रेडियो सौर्यदय) । मुगुमा डेङ्गु रोगको संक्रमण हुन नदिन जिल्ला प्रहरी कार्यालयले एक हप्ते जनचेतना मुलक कार्यक्रम संचालन गर्ने भएको छ ।
गृह मन्त्रालयको निर्देशन अनुरुप जिल्ला प्रहरी कार्यालय मुगुको आयोजनामा प्रहरी साझेदारी कार्यक्रम अन्तरगत डेङ्गुु रोगको संक्रमण बाट बच्न एक हप्ते जनचेतना अभियान थालिएको जिल्ला प्रहरी कार्यलय मुगुले जनाएको छ ।
जिल्ला अस्पतालको समन्वयमा र जिल्लाका सरोकारवाला निकाय, नागरिक समाज र स्थानीय तहको सहयोगमा साप्ताहिक जनचेतनामा लागिएका जिल्ला प्रहरी कार्यलय मुगुका प्रहरी नायव उपरिक्षक भुवनेश्वर प्रसाद शाहले जानकारी दिनुभयो । अहिलेसम्म मुगुमा डेङ्गु रोगका संक्रमित व्यक्ती नभेटिएको जिल्ला अस्पातलले जनाएको छ ।