बुद्धि पुन
सल्यान, १२ असोज (रेडियो राप्ती) । लागु औषध सहित सल्यानमा तीन जना पक्राउ परेका छन् । शुक्रबार साँझ जिल्लाको बागचौर नगरपालिका ४ सेती गुँरासबाट तीन जनालाई प्रहरी पक्राउ गरेको हो ।
लागु औषध कारोबार हुदैँ छ भन्ने गोप्य सुचनाको आधारमा खटिएको प्रहरी टोलीले उनीहरुलाई पक्राउ गरेको जिल्ला प्रहरी कार्यालय सल्यानले जनाएको छ ।
उनीहरुलाई आज आज पत्रकार सम्मेलन गरी सार्बजनिक गरिएको छ । पक्राउ पर्नेमा रुकुम पश्चिमको बाँफिकोट गाउपालिका वडा नम्बर ९ झुलाका २० बर्षका कमल बिष्ट मगर, रुकुम पश्चिम कै आठबिसकोट नगरपालिका वडा नम्बर १२ ठूलीबार्खुका २२ बर्षिय मान बहादुर गिरी र दाङको तुलसीपुर उपमहानगरपालिका वडा नम्बर १२ उरहरीका १८ बर्षिय प्रेम पुन मगर रहेको सल्यानका प्रहरी प्रमुख, प्रहरी नायव उपरिक्षक ढकेन्द्र खतिवडाले जानकारी दिनुभएको छ ।