सुर्खेत, ३० चैत (जागरण) । मध्यपश्चिमाञ्चल विश्वविद्यालय अन्तर्गत मुसुममा नयाँ वर्षको पूर्वसन्ध्यामा शुभकामना आदान -प्रदान गरिएको छ ।
विश्वविद्यालयका उपकुलपती प्राध्यापक डाक्टर उपेन्द्रकुमार कोइरालाको प्रमुख अतिथ्यतामा भएको कार्यक्रममा एक अापसमा औपचारिक रुपमा शुभकामना व्यक्त गरिएको छ ।
उपकुलपति कोइरालाले २०७४ सम्ममा गरिएका कार्यको समिक्षा गर्दै आगामी वर्षका लागि नयाँ र प्रगतिशिल योजना तयार गर्न आग्रह गर्नुभयो ।
मुसुमका डिरेक्टर प्राध्यापक डाक्टर नारायण पौडेलको अध्यक्षतामा भएको कार्यक्रममा प्राध्यापक गोविन्द के.सि.को पनि उपस्थिति थियो ।
कार्यक्रममा विद्यार्थीको तर्फबाट इन्जिनिएर विरेन्द्र लामाले शुभकामना मन्तव्य राख्नुभएको थियो । कार्यक्रममा आशिष थापा र मुकुन्द शर्माले गीत गाएर कार्यक्रम मनोरञ्जनात्मक बनाएका थिए।
युवाका क्षेत्रमा कार्य गर्ने संस्था तनाव छ जीन्दगीका अध्यक्ष एवम् विद्यार्थी सञ्जय योगीले आगामी दिनमा यस्तै खालका रचनात्मक कार्यक्रम गरिरहने बताउनुभयो ।