सुर्खेत,१२ मंसिर(जागरण)
डोल्पा पुग्नुभएका उपराष्ट्रपति नन्दबहादुर पुनले पर्यटन विकासका माध्ययमबाट कर्णालीलाई समृद्ध बनाउने बताउनु भएको छ ।
शे–फोक्सुण्डो ताल परिसरमा आयोजना गरिएको पर्यटकीय क्षेत्र प्रवद्र्धन कार्यक्रममा उहाँले यस्तो बताउनुभएको हो ।
कार्यक्रममा उहाँले शे–फोक्सुण्डो स्वर्गको परी भएको भन्दै भ्रमणका लागि सबैलाई अपिल गर्नु भएको छ ।
उहाँले कर्णाली गरिब नभएर धनि प्रदेश भएको भन्दै स्रोत र साधनले धनि प्रदेशमा अब यसैको माध्यमबाट विकास अघि बढाउनुपर्ने बताउनुभयो ।
यस्तै कार्यक्रममा कर्णाली प्रदेशका मुख्यमन्त्री महेन्द्रबहादुर शाहीले रारा कर्णाली पर्यटन वर्षले कर्णालीको पर्यटन प्रवद्र्धन हुने बताउनुभएको रेडियो डोल्पाले समाचार पठाएको छ ।
