काठमाण्डौँ, ८ फागुन (जागरण) । फुटबलको विश्व वरियतामा नेपाल यथावत रहन सफल भएको छ ।
विश्व फुटबलको सर्वोच्च निकाय फिफाले आज सार्वजनिक गरेको नयाँ वरियतामा नेपाल यथावत रहेको हो । नयाँ वरियतामा नेपाल १ सय ७० औं स्थानमा रहेको छ । अघिल्लो महिना पनि नेपाल १ सय ७० औं स्थानमा रहेको थियो ।
दक्षिण एसियाको वरियतामा नेपाल तेस्रो स्थानमा रहेको छ । नेपालभन्दा माथि रहेको भारत १ सय ८ र माल्दिभ्स १ सय ५५ औ स्थानमा छन् । नेपालभन्दा तल रहेको बंगलादेश १ सय ८७, भुटान १ सय ८९ औं, पाकिस्तान २ सय र श्रीलंका २ सय ६ औं स्थानमा रहेका छन् ।
विश्व वरियतामा बेल्जियम शीर्ष स्थानमा यथावत रहेको छ । फ्रान्स दोस्रो, ब्राजिल तेस्रो, इंग्ल्याण्ड चौंथो र उरुग्वे पाँचौं स्थानमा रहेका छन् ।
