सुर्खेत, ३ चैत (जागरण) । कर्णाली प्रदेश आइडलमा १० जना छनौट भएका छन् । आज भएको ट्रयाक राउन्डमा अघिल्लो राउण्डबाट छनौट भएका १३ मध्य १० जना छनौट भएका हुन् ।
निर्णायक मण्डल र लाइभ भोटिङ्ग गरी १० प्रतिस्पर्धी छानिएको सिङ्गारो म्युजिक प्रा.लि.का अध्यक्ष रमेश सापकोटाले जानकारी दिनु भयो ।
ट्रयाक राउन्डमा छानिएका १० प्रतिस्प्रर्धीहरु लागि एसएमएस भोटिङ्ग आजदेखि खुला गरिएको उहाँले बताउनु भयो ।
ट्रयाक राउन्डमा छानिएका प्रतिस्पर्धीमा सावित्री अधिकारी, महेन्द्र बिक, बिराज थापा मगर, हिक्मत शाही, रवी ओड, सागर हमाल, पेमा सन्दुक लामा, खाँडजी परियार, आशिष बुढा र खगिसरा शाही छन् ।
ट्रयाक राउन्डमा छानिएका प्रतिस्पर्धी एसएमएस भोटिङ्गबाट छनौट भएर आगामी चैत्र १० गते हुने टप एट छनौट हुने सिङ्गारो म्युजिक प्रा.लि.का प्रवन्धक निर्देशक विशाल ढकालले जानकारी दिनु भयो ।
प्रदेश आइडलमा प्रथम हुनेलाई नगद तीन लाख, दोस्रोलाई दुई लाख, तेस्रोलाई एक लाख र चौथोले पचास हजार पुरस्कार रहेको आयोजकले जनाएको छ ।
फोटोः आयोजकबाट
