जाजरकोट, २० साउन (जागरण)। जाजरकोट सदरमुकाम खलंगा नजिक पहिरोले दुई घर पुरिँदा चार जनाको मृत्यु भएको प्रहरीले जनाएको छ । पहिरोमै पुरिएका लालबहादुर लुहारको भने जिवीतै उद्दार गरिएको प्रहरी निरिक्षक ईन्द्रजित सुनारले जानकारी दिनुभयो । अबिरल वर्षाका कारण गएराति ठाँटीबजार नजिकै पहिरो गएको हो ।
पहिरोमा परी मृत्यु भएका मध्ये एक जनाको शव मात्रै बाहिर निकालिएको उहाँले जानकारी दिनुभयो । मृतकको नाम भने खुल्न सकेको छैन ।
घटनास्थलमा उद्दारका लागि नेपाल प्रहरी, सशस्त्र प्रहरी, नेपाली सेनालगायतको टोली खटिएको छ ।